خذ وخل لرشيد الحوطي

صلام 

كنت قاعد افكر واقول في باطنيتي = عقلي الباطن ليش الاجانب يخترعون ويفكرون احسن منا تتوقعون ليش
انا اقولكم ليش 

 لأن ماعندهم (ابو ولا اؤم) يقولون لهم هذا عيب ولا هذا ممنوع ولا عندهم جب خبز صامولي ولا تميزمن المخبز ولا عندهم ودنا للسوق ولا عندهم احد يزورهم وصلح له قهوه ولا اطبخله ولا عندهم جب مقاضي ولاخضره للبيت ولا عندهم زواجات وعزايم ولا تحوال ولا ضيفه يعني بالهم مستريح والمثل يقول 
( الفاضي يعمل قاضي )
حتى بناتهم فالينها من يجي عمرها 14 سنه ولا 15 سنه قضبوها اهلها الباب وراحت تكد على نفسها ولا سكنت مع خويها 
( بوي فرند ) << يعني اخوها من الرضاعه  ولا تغسل مواعين عند اهلها ولا تغسل هدوم ولا تكوي اخوانها ولا تكنس الحوش يعني فاضيه وبالها فاضي !!
فعشان كذا تلقاهم مبدعين ويدورون اي شي يشغلهم
 

صح نسيت ماعندهم قيل وقال وحش في خلق الله ولا عندهم نميمه ولا عندهم حسد وحقد على بعض كل واحد حاله حال نفسه حتى الحيوانات يرفقون فيها حنا عيالنا بس يشوفون قطوه لعنو والديها ترجيم بالحصاء واذا واحد دعس قطوه بالشارع عادي كنه داعس كيس ولا واطي له كرتون هم لا يتأثرون وتلقى الواحد يعاني ايام من تأنيب الضمير

...........................................................
...........................................................

فيه فرق بين سكان شمال الرياض وجنوب الرياض في كل شئ اقولكم كيف 

( شمال الرياض )

ساكنين في فلل وقصور سياراتهم اقل شئ موديل 2006 رجالهم يا موظف على مرتبه راقيه ولا مدير ولا رجل اعمال ولا وزير ولا ولاولا ... الخ لا تورطونا مابي اكمل  !! 
وحريمهم يا مديرة مدرسه ولا عندها اسهم ولا اديبه ولا شاعره
عيالهم نظيفين لابسين احسن لبس مؤدبين مربيتهم شغاله فلبينيه ولا مغربيه يروحون المدرسه مع السواق ينادون ابوهم بابا وامهم ماما الأكل عندهم بنظام وبوقت ونظام غذائي منظم هذولي سكان شمال الرياض

( جنوب الرياض )

ساكنين في عماير ولا بيت دور واحد سياراتهم اطلق شي موديل 2000 وكوريلا واقساط بعد رجالهم يا فراش مدرسه ولا معقب ولا موظف ولا كاتب على بند الاجور حريمهم احسنهم مدرسة رسم ولا علوم في ابتدائيه  ولا ربة منزل امحق ربة منزل طول يومها تدعي على عيالها عيالهم تشوفهم شهبان ومسمرين من الشموس في القايله ودايم حافين ودايم تلقاه يناشق بخشمه يروحون المدرسه على رجليهم ولا مع ابو الجيران  واطلق ناس فيهم عنده شغاله سريلانكيه ولاعنين ابو خامسها وينادون ابوهم يووبه وامهم يوومه هههههههه واكلهم اي وقت من سبق لبق رز وجريش ومرقوق هذا اذا بقى شي للي فاته الأكل  .

عرفتو الحين ان فيه فرق بين الشمال والجنوب 

يله عاد وخرو خلصت بدفلج